डोंबिवली, ता.१८ ः एका गुन्ह्यातील आरोपी विठ्ठलवाडी पोलिसांच्या गाडीतून पळाल्याची घटना शनिवारी घडली. आधारवाडी कारागृहात घेऊन जात असताना कल्याण पश्चिमेतील वायले चौकात ही घटना घडली.
एका गुन्ह्यात अटक झालेला संजू वाघेरी हा पोलिसांच्या हाताला झटका देऊन पळाला आहे. कल्याण पश्चिमेतील व्हरटेक्स इमारतीजवळील मोठ्या मैदानातील झाडेझुडपांमध्ये तो लपला असावा, असा पोलिसांचा अंदाज आहे. त्यामुळे विठ्ठलवाडी पोलिसांसह स्थानिक खडकपाडा पोलिसांकडून परिसरात उशीरापर्यंत सर्च ऑपरेशन सुरू होते. या घटनेनंतर पोलिस दल सतर्क झाले असून आरोपीला पकडण्याचे सर्वतोपरी प्रयत्न सुरू आहेत.