चरई खुर्द येथे मोफत महाआरोग्य शिबिराचे आयोजन
तळा, ता. २५ : चरई खुर्द ग्रामपंचायतीमध्ये प्रथमच मोफत महाआरोग्य तपासणी व शस्त्रक्रिया शिबीर तसेच मोफत चष्मा वाटप कार्यक्रमाचे शुक्रवारी (ता. २८) सकाळी ११ वाजता आयोजन करण्यात आले आहे. ग्रामपंचायत कार्यालय मौजे बेलघर येथे होणाऱ्या या कार्यक्रमाला राज्याच्या महिला व बालविकास मंत्री आदिती तटकरे यांची प्रमुख उपस्थिती असणार आहे. वरदाई चॅरिटेबल ट्रस्ट व तेरणा स्पेशालिस्ट हॉस्पिटल आणि रिसर्च सेंटर नेरूळ तसेच ग्रुप ग्रामपंचायत चरई खुर्द तळा यांच्या संयुक्त विद्यमाने हा कार्यक्रम आयोजित करण्यात आला आहे. सर्वांनी या महाआरोग्य शिबिराचा लाभ घ्यावा, असे आवाहन ग्रुप ग्रामपंचायत चरई खुर्द यांनी केले आहे.