काँक्रीट मिक्सरखाली चिरडून पाचवर्षीय मुलाचा मृत्यू

भाईंदर, ता. २६ (बातमीदार) : सिमेंट काँक्रीट वाहून नेणाऱ्या मिक्सरखाली आल्याने पाचवर्षीय मुलाचा मृत्यू झाल्याची घटना बुधवारी (ता. २६) घडली. ही घटना भाईंदर पूर्व येथील नवघर रस्ता परिसरात दुपारी चार वाजण्याच्या सुमारास घडली. जयनील विश्वकर्मा असे मृत मुलाचे नाव आहे. सचिन तेंडुलकर मैदान परिसरात सुरू असलेल्या कामासाठी या मार्गावरून सिमेंट काँक्रीट मिक्सरची ये-जा सुरू होती. दुपारी चार वाजण्याच्या सुमारास जयनील हा रस्ता ओलांडत असताना या मिक्सरच्या चाकाखाली चिरडला गेला. यामध्ये त्याचा जागीच मृत्यू झाला. याप्रकरणी नवघर पोलिसांनी चालकाला ताब्यात घेतले असून मिक्सर जप्त केला आहे.