मुरबाड (बातमीदार)ः मुरबाड तालुक्यातील भात खरेदीमध्ये दोषी असलेल्यांवर कारवाई करावी, या मागणीसाठी महाराष्ट्र राज्य माहिती अधिकार फेडरेशन उपाध्यक्ष शंकर वडवले यांनी मुरबाड येथील तहसीलदार कार्यालयासमोर मंगळवारपासून उपोषण सुरू केले आहे. यावेळी खरेदी-विक्री संघावर प्रशासक असताना काही राजकीय कार्यकर्ते भात खरेदीमध्ये हस्तक्षेप करत असल्याचा आरोप त्यांनी केला. तसेच २०१५ पासून मागणी केलेल्या माहिती संदर्भात अभिलेख गहाळ करणाऱ्या अधिकाऱ्यांवर गुन्हे दाखल करण्यात यावे, अशी मागणी वडवले यांनी केली आहे.