ठाणे : छत्रपती शिवाजी महाराजांची जयंती भाजप ठाणे शहर कामगार मोर्चातर्फे उत्साहात साजरी करण्यात आली. भाजपचे ठाणे शहर जिल्हाध्यक्ष संजय वाघुले यांच्या हस्ते शिवप्रतिमेला पुष्पहार घालून वंदन करण्यात आले. यावेळी कामगार मोर्चाचे जिल्हाध्यक्ष राकेश चौगुले उपस्थित होते. छत्रपती शिवरायांचा आदर्श ठेवून त्याप्रमाणे कृती करण्याचा संकल्प कामगार मोर्चातील पदाधिकाऱ्यांनी केला. यावेळी मोर्चाचे सरचिटणीस समाधान साळवी, भगवान आडे, एकनाथ ताजने, गणेश खोपडे, उपाध्यक्ष दीपक कदम, परेश चव्हाण, अनिल तुपे, राज भानुशाली, विधानसभा संयोजक जितेंद्र विशे यांच्यासह कामगार मोर्चाचे पदाधिकारी, देवदया नगर मित्र मंडळ रिक्षा चालक-मालक संघाचे पदाधिकारी श्याम पांडकर, अमित वस्ते यांची उपस्थिती होती.