नेरूळ, ता. २५ (बातमीदार) : आदित्य बिर्ला यांचा ज्वेलरी ब्रँड ‘इंद्रिया’च्या तिसऱ्या दालनाचा शुभारंभ सीवूड्स येथी नेक्सास मॉलमध्ये नुकताच करण्यात आला. केवळ एका आठवड्यात हैदराबादमध्ये दोन नवीन दालने खुली करण्यात आली आहेत. जुलै महिन्यात पदार्पण केल्यापासून, इंद्रिया ज्वेलरीने दिल्लीमध्ये पाच; तर मुंबई, पुणे, जयपूर, अहमदाबाद आणि हैदराबादमध्ये प्रत्येकी दोन आणि इंदूर आणि सुरतमध्ये प्रत्येकी एक अशा एकूण १७ दालनांसह भारतभर आपली उपस्थिती वेगाने वाढवली आहे. सुमारे १६ हजार तयार केलेले अलंकार आणि पाच हजारहून अधिक डिझाईन येथे उपलब्ध आहेत. मुंबईत जुनी आणि आधुनिक संस्कृती असल्यामुळे येथील नागरिकांना उत्कृष्ट हस्तकला तसेच कालातीत अभिजाततेबद्दल सखोल कौतुक आहे. त्यामुळे इंद्रिया येथील नागरिकांची गरजा पूर्ण करेल, असा विश्वास इंद्रियाचे सीईओ संदीप कोहली यांनी व्यक्त केला.