सहकार महर्षी घोन्सालविस पुरस्काराचे एप्रिलमध्ये वितरण
विरार, ता. २५ (बातमीदार) : वसई तालुक्यातील २०२३-२०२४ व्या आर्थिक वर्षात सर्वोत्कृष्ट कामगिरी करणारी बँक, पतसंस्था, विविध कार्यकारी संस्था, मच्छीमार संस्था व कन्झ्युमर्स संस्थांचा गौरव केला जाणार आहे. या संस्थांना सर्वोत्कृष्ट सहकारी संस्था सहकार महर्षी डॉमणिक घोन्सालविस यांच्या नावाने पुरस्कार देऊन ७ एप्रिल रोजी पुरस्कार प्रदान करण्यात येणार आहे. कार्यक्रमाच्या अध्यक्षस्थानी बिशप थॉमस डिसोजा (बसई धर्मप्रांत) असणार आहेत, तर प्रमुख पाहुणे म्हणून आमदार स्नेहा दुबे-पंडित, नालासोपाराचे आमदार राजन नाईक व माजी आमदार हितेंद्र ठाकूर असणार आहेत. हा कार्यक्रम ७ एप्रिल रोजी संध्याकाळी पाच वाजता वसईमधील क्रीडा मंडळ येथे होणार असल्याची अशी माहिती कार्याध्यक्ष रोहन घोन्सालविस, विश्वस्त गवेल मध्याडो, अशोक कुलास, अशोका डिसिल्वा व ब्रॉन्सन घोन्सालविस यांनी दिली आहे. या कार्यक्रमात सर्वोत्कृष्ट बँक पुरस्कार वसई जनता सहकारी बँक, सर्वोत्कृष्ट पतसंस्था पुरस्कार जीवन विकास को- ऑप. क्रे. सो.लि., सर्वोत्कृष्ट विविध कार्यकारी संस्था पुरस्कार वसई शेतकरी विविध कार्यकारी, सर्वोत्कृष्ट मच्छीमार संस्था पुरस्कार वसई मच्छीमार सर्वोदय, मर्यादित, सर्वोत्कृष्ट ग्राहक संस्था पुरस्कार ग्रामोन्नती सहकारी कन्ट्युमर्स यांना गौरविण्यात येणार आहे.