मुलुंड पूर्वेकडील रम्बलर्स अखेर हटवले
मुलुंड, ता. २५ (बातमीदार) ः मुलुंड पूर्वेकडील म्हाडा सिग्नलजवळ २०० मीटरच्या पट्ट्यांवर बसवलेल्या पाच रम्बल पट्ट्या येथील रहिवाशांसाठी त्रासदायक ठरत होत्या. या पट्ट्यांमुळे ध्वनी प्रदूषण मोठ्या प्रमाणावर होत होते. त्यामुळे येथील गृहसंकुलातील नागरिकांची रात्रीची झोप उडाली होती. आजूबाजूच्या २० सोसायट्यांच्या रहिवाशांनी लोकप्रतिनिधी, मुंबई महापालिका, वाहतूक विभाग, आरटीओ आणि एमएमआरडीए यांना पत्र लिहून या ठिकाणी असलेले रम्‍बलर्स काढण्याची मागणी केली होती. महापालिका प्रशासनाने वाहतूक पोलिसांच्या विनंतीनंतर अखेर येथील रम्‍बलर्स हटवले आहेत. याबाबत स्‍थानिक रहिवासी, वाहनचालकांनी कांजूर वाहतूक विभागाचे प्रभारी पोलिस निरीक्षक बजरंग झेंडे यांचे आभार मानले आहेत.