अजय साळवी यांना मास्टर्स बॅडमिंटन नॅशनल चॅम्पियनशिप पदक
वसई, ता. २५ (बातमीदार) ः नुकत्याच गोवा येथे झालेल्या मास्टर्स बॅडमिंटन नॅशनल चॅम्पियनशिप स्पर्धेत पालघर जिल्ह्याच्या अजय साळवी यांनी ५० वर्षांवरील वयोगटात मिश्र दुहेरीत कांस्य पदकाची कमाई केली. या पदकांसोबतच त्यांनी आपले नाव वर्ल्ड मास्टर्स चॅम्पियनशिपसाठी पक्के केले आहे. सप्टेंबरमध्ये होणाऱ्या वर्ल्ड मास्टर्स चॅम्पियनशिपसाठी ५० वर्षांवरील मिश्र दुहेरीत अजय हे भारताचे प्रतिनिधित्व करणार आहेत. ही स्पर्धा सप्टेंबर महिन्यात थायलंड येथे होणार आहे. या स्पर्धेसाठी पालघर बॅडमिंटन संघटनेचे अध्यक्ष पंकज ठाकूर व पदाधिकाऱ्यांनी त्यांचे अभिनंदन केले आहे.