निलंबित केलेल्‍या विद्यार्थ्याच्या समर्थनार्थ आंदोलन
धारावी, ता. २५ : टाटा इन्स्टिट्यूट ऑफ सोशल सायन्सेस, मुंबईने रामदास पी. एस. या दलित पीएचडी संशोधक विद्यार्थ्याला निलंबित केलेले आहे. केंद्र सरकारवर टीका केल्याबद्दल आणि नवीन शिक्षण धोरणविरोधी आंदोलनात घेतलेल्या सहभागाबद्दल रामदासला निलंबित केले असल्‍याचा आरोप करीत या बेकायदा निलंबन कारवाईचा निषेध करण्यासाठी, रामदासच्या समर्थनार्थ बुधवारी (ता. २६) सायंकाळी साडेचार वाजता मुंबईत टीआयएसएसच्या समोर आंदोलन करण्यात येणार आहे. यात विद्यार्थी, महिला, शिक्षक, लेखक, कार्यकर्ते आणि नागरिकांनी मोठ्या संख्येने सहभागी होण्याचे आवाहन आयोजन समितीतर्फे शैलेंद्र कांबळे, सुबोध मोरे, रोहिदास जाधव, प्रीती शेखर, महेंद्र उघडे यांनी केले आहे.