नफ्याच्या आमिषाने
युवकाने गमावले ५४ लाख
ठाणे शहर (बातमीदार) ः शेअर बाजारात गुंतवणूक करून नफ्याच्या आमिषातून वर्तकनगर येथील युवकाला ५३.४४ लाखांचा फटका बसला. अमेय गोंदकर असे या युवकाचे नाव आहे. अमेय यांना एका संकेतस्थळावर शेअर बाजारात गुंवतणुकीबाबत माहिती मिळाली. त्याबाबत शोध घेतल्यावर त्यांना गुंतवणुकीबाबत अनेक फोन येऊ लागले. त्यांच्या बोलण्यावर विश्वास ठेवून अमेय यांनी १५ सप्टेंबर ते ८ ऑक्टोबर २०२४ या कालावधीत ५३.४४ लाख रुपये गुंतवली; मात्र त्यानंतर पुढील लोकांनी नफ्याचा परतावा देण्यास टाळाटाळ केली. त्यामुळे फसवणूक झाल्याचे समजल्यावर अमेय यांच्या तक्रारीवरून वर्तकनगर पोलिस ठाण्यात गुन्हा दाखल करण्यात आला.