दोन महिन्यांपासून पोकलेन पाण्याच्या गाळात
लाखो रुपयांच्या मशीनचे नुकसान; शिवसेनेची चौकशीची मागणी
विरार, ता. ३० (बातमीदार) : वसई (पश्चिम) येथील सनसिटी नाल्यामध्ये मागील दोन महिन्यांपासून महानगरपालिकेच्या मालकीचे पोकलेन अर्धवट रुतून बसले आहे. पन्नास लाखांपेक्षा जास्त किमतीची आणि जनतेच्या करातून विकत घेण्यात आलेली ही मशीन गेल्या दोन महिन्यांपासून ती बाहेर काढण्यासाठी पालिकेच्या अधिकाऱ्यांना व अभियंत्यांना वेळ मिळाला नाही. याची चौकशी करून याला जबाबदार असलेल्यांवर कारवाई करण्याची मागणी शिवसेने पालिका आयुक्त अनिलकुमार पवार यांच्याकडे केली आहे.
नालेसफाईसाठी असलेले पोकलेन नाल्याच्या पाण्यात गेल्या दोन महिन्यांपासून उभे आहे. यासाठीच शिवसेनेचे जिल्हाप्रमुख प्रवीण म्हाप्रळकर यांनी आयुक्तांकडे या घटनेची चौकशी करण्याची मागणी केली. याबाबत अनेक प्रश्नही उपस्थित केले आहेत. यावर्षी पावसाळ्यापूर्वी नालेसफाईचे कामे अजून सुरू झाली नाहीत. नाल्यात पाणफुटीच्या वेलीही नाहीत, तरीही हे पोकलेन कोणत्या कामासाठी त्या ठिकाणी नेण्यात आले होेते.
पोकलेन नाल्याच्या पाण्यात असल्यामुळे अनेक सवालही उपस्थित करण्यात आले आहेत. तरीही याबाबत का कारवाई केली नाही, असा उपस्थित करण्यात आला आहे.
़़़़़़़़़़़़़़़़़़़़़़़़़़़़़
खातेनिहाय चौकशी करा
पालिकेचे पोकलेन मशीन अशा प्रकारे नादुरुस्त होणे हे नालेसफाई ठेकेदारांच्या पथ्यावर पडणारे आहे. ठेकेदारांना थेट फायदा व्हावा यासाठी जाणीवपूर्वक हा प्रकार घडवून आणला का, अशी शक्यताही वर्तवली जात आहे.
तरी या गंभीर घटनेस जबाबदार आपले संबंधित विभागाचे सहाय्यक आयुक्त, उपायुक्त आणि संबंधित अभियंता यांना तत्काळ निलंबित करून त्यांची खातेनिहाय चौकशी करण्याची मागणी प्रवीण म्हाप्रळकर यांनी आयुक्तांकडे केली आहे.
-------------------------------------
MUM25E83946