मुंब्र्यात मारहाणीत तरुण जखमी

कळवा, ता. ९ (बातमीदार) ः मुंब्र्यात एकत्र बसून अमली पदार्थ पिताना व्हिडिओ तयार करण्यावरून वाद होऊन तरुणाला लोखंडी पाइपने मारहाण करून गंभीर जखमी करण्यात आले. याप्रकरणी पाच तरुणांवर मुंब्रा पोलिस ठाण्यात गुन्हा दाखल करण्यात आला आहे.
अल्मास कॉलनी येथे राहणारा अब्दुल शेख व त्यांचे मित्र फईम अन्सारी, अरबाज कुरेशी, साद कुरेशी व अन्य दोघे एकत्र अमली पदार्थ पीत असताना अब्दुल शेख याने व्हिडिओ तयार केला. तो कुटुंबीयांना व्हिडिओ दाखवेल म्हणून त्याला विरोध करीत अरबाज कुरेशी व साद कुरेशी व इतर दोन साथीदार तरुणांनी लोखंडी पाइप आणून अब्दुल शेख याच्या डोक्यात व डोळ्याला मारला. त्यानंतर त्याला लाथाबुक्यांनी मारहाण केली. त्यात अब्दुल गंभीर जखमी झाला असून खासगी रुग्णालयात उपचार घेत आहे.