भिवंडी (वार्ताहर)ः शांती आणि अहिंसेचे उपासक जैन तीर्थंकर भगवान महावीर यांची जयंती भिवंडी शहरात मोठ्या उत्साहात साजरी करण्यात आली. या निमित्त श्री समस्त जैन महासंघाच्या वतीने शोभायात्रा काढण्यात आली होती. या शोभायात्रेत जैन साधू साध्वी व विविध जैन पाठशाळा मधील २४ चित्ररथ सहभागी झाले होते. छत्रपती शिवाजी महाराज चौक नजराणा कंपाउंड येथून सुरू झालेली शोभायात्रा मंडई, नविचाळ, गौरीपाडा, नारपोली, धामणकर नाका मार्गे अंजूरफाटा येथील जैन मंदिरात रथयात्रेचा समारोप झाला. भिवंडी शहरात एकूण १८ जैन मंदिरांच्या एकत्रित जैन महासंघावतीने आयोजित या रथयात्रेत स्त्री पुरुष युवक युवती लहान बालक पारंपरिक वेशभूषेत सहभागी झाले होते. यावेळी भगवान महावीर यांच्या मूर्तीसोबत पर्यावरण रक्षण, पशुप्रेम यावरील देखाव्यांचे सादरीकरण करण्यात आले.