कासार्डे-तर्फेवाडी मुंबई मंडळाची रविवारी सभा
जोगेश्‍वरी, ता. १० (बातमीदार) ः सिंधुदुर्ग जिल्ह्यातील तर्फेवाडीतील मुंबईमध्ये राहणाऱ्या रहिवाशांची सार्वजनिक सभा रविवारी (ता. १३) शिरोडकर हायस्‍कूल, डॉ. बोर्जेस रोड, परळ येथे सायंकाळी ४ ते ८ या वेळेत होणार आहे. या सभेमध्ये कणकवली येथील कासार्डे तर्फेवाडीतील जागृत महापुरुषांच्या पिंपळेश्‍वर मंदिराच्या जीर्णोद्धारासाठी आतापर्यंत झालेल्‍या जमाखर्चाबाबत तळेबंद सादर करण्‍यात येणार आहे. मे महिन्‍यात होणाऱ्या वार्षिक महोत्‍सवाचे नियोजनही करण्‍यात येणार आहे. तसचे इतर महत्त्वाचे निर्णय घेण्‍यात येणार आहेत. नव्‍याने स्‍थापन झालेली कार्यकारिणी व त्‍यातील सभासदांनी, तर्फेवाडीतील मुंबईस्थित समस्त ग्रामस्थांनी (चाकरमानी) मोठ्या संख्येने उपस्थित राहावे, असे आवाहन मंडळाचे सचिव शेखर तर्फे व खजिनदार किशोर पाळेकर यांनी केले आहे.