खारघर, ता. १३ (बातमीदार) : भारती विद्यापीठ इन्स्टिट्यूट ऑफ मॅनेजमेंट स्टडीज अँड रिसर्चच्या ऑपरेशनस क्लब आणि इंडियन सोसायटी फॉर ट्रेनिंग अँड डेव्हलपमेंटच्या वतीने ‘कंपनीतील उन्हाळी प्रशिक्षण संधीचे नोकरीमध्ये कसे रूपांतर करता येते’ या विषयावर नुकताच एकदिवसीय कार्यशाळा पार पडली. या कार्यशाळेचे उद्‍घाटन महाविद्यालयाच्या संचालिका डॉ. अंजली कळसे यांच्या हस्ते पार पडले. या वेळी कॉर्पोरेट प्रशिक्षक अभय पटवर्धन यांनी प्रशिक्षणार्थीना उद्योगांची गरज ओळखून स्वतःला कसे तयार करावे या विषयावर मार्गदर्शन केले. हा उपक्रम यशस्वी करण्यासाठी डॉ. कुलदीप पवार, दिव्या पवार, मैथिली कोगरे, अनिरुद्ध खोत, निखिल थोरात, अनुष्का भातखंडे, अथर्व कठले, पुष्कराज पंडित, पार्थ चव्हाण आणि यश मुंदडा आदींनी विद्यार्थ्यांनी विशेष सहकार्य केले.