वसई (बातमीदार) : विद्यावर्धिनी अभियांत्रिकी व तंत्रज्ञान महाविद्यालयात पदवी प्रमाणपत्र वितरण समारंभ आयोजित करण्यात आला होता. या कार्यक्रमाला सिंगापूरच्या विजीक्स टेक्नॉलॉजीचे मुख्य कार्यकारी अधिकारी आणि माजी कुलगुरू डॉ. राजेश इंगळे हे प्रमुख पाहुणे म्हणून उपस्थित होते. विद्यावर्धिनी संस्थेचे अध्यक्ष विकास वर्तक, उपाध्यक्ष शांताराम जाधव, उपाध्यक्ष पांडुरंग नाईक व खजिनदार हस्मुखभाई शाह यांनी कार्यक्रमाला उपस्थिती दर्शविली. महाविद्यालयाचे प्राचार्य डॉ. राकेश हिमते विद्यार्थ्यांना मार्गदर्शन केले. डॉ. राजेश इंगळे आपल्या भाषणातून विद्यार्थ्यांना योग्य मानसिकता यशाचा खरा पाया आहे, यावर मार्गदर्शन केले. अन्य कोणत्याही कौशल्यांपेक्षा मानसिकता ही सर्वात महत्त्वाची गोष्ट आहे. जर एखाद्याकडे शिकण्याची मानसिकता असेल, तर त्याला कुठल्याही क्षेत्रात प्रशिक्षित करता येते व आयुष्यात काही मोठे करण्याची संधी उपलब्ध होते, असे सांगितले. संगणक शाखेच्या ऋषभ त्रिपाठी याला सर्वोत्कृष्ट विद्यार्थी पुरस्कार देत गौरवण्यात आले.