स्टेम प्राधिकरणाच्या मुख्य जलवाहिनीला गळती
भिवंडी, ता. १८ (वार्ताहर) : शहराला पाणीपुरवठा करणाऱ्या स्टेम प्राधिकरणाच्या मुख्य जलवाहिनीला कल्याण सापड गाव येथे शुक्रवारी (ता. १८) दुपारच्या सुमारास गळती लागल्याने भिवंडी शहरातील पाणीपुरवठा खंडित झाला. या जलवाहिनीच्या दुरुस्तीसाठी शहरातील पाणीपुरवठा २४ तास बंद राहणार असल्याची माहिती पालिका पाणीपुरवठा विभागाचे कार्यकारी अभियंता संदीप पटनावर यांनी दिली आहे. ही दुरुस्तीचे काम शुक्रवारी रात्री सुरू केल्यानंतर पाणीपुरवठा सुरळीत होण्यासाठी २४ तास लागणार असल्याने या काळात पाणीपुरवठा बंद राहणार असून पुढील २४ तास कमी दाबाने पाणीपुरवठा होणार असल्याने नागरिकांनी पाणी जपून वापरावे, असे आवाहन पालिका प्रशासनाने केले आहे.