ठाणे : महापालिकेतर्फे २२ एप्रिल ते १ मे या काळात वसुंधरा सप्ताह साजरा केला जात आहे. त्याअंतर्गत, शुक्रवारी ब्रम्हाळा तलाव येथे जनजागृतीपर उपक्रम करण्यात आले. त्यात पर्यावरणपूरक संवर्धनासाठी ब्रम्हाळा तलाव येथे तरंगत्या पाणथळ पट्ट्या (फ्लोटिंग वेटलँड्स) बसवण्यात आल्या. ठाणे महापालिका आणि कोलगेट कंपनीच्या सीएसआर निधीतून हा उपक्रम राबवण्यात आला असून भगीरथ व गुडेरा संस्थांचे सहकार्य लाभले आहे. या उपक्रमासाठी पर्यावरण विभागाच्या प्रमुख मनीषा प्रधान, ओम परळकर, प्रभाकर सोनावले यांनी मार्गदर्शन केले. यानिमित्ताने पाणथळ पट्ट्या तलावात सोडण्यात आल्या. माजी नगरसेवक कृष्णा पाटील यांनी भेट दिली.