युगेंद्र श्रावण यशवंते यांचे निधन
नवी मुंबई, ता. २६ (वार्ताहर) : वाशी येथील युगेंद्र यशवंते यांचे (ता. २१) एप्रिल रोजी अल्पशा आजाराने वाशी येथील राहत्या घरी निधन झाले. महाकवी दिवंगत वामनदादा कर्डक यांची बुद्ध, भीम गीते व लोकगीते महाराष्ट्राच्या खेडोपाड्यात पोहचविणारे लोकप्रिय कवी गायक दिवंगत श्रावण यशवंते यांचे ते ज्येष्ठ सुपूत्र होते. युगेंद्र यशवंते यांनी दिवंगत श्रावण यशवंते यांच्या अतिशय गाजलेल्या गीतांचा संग्रह करून ते पुन्हा समाजासाठी उपलब्ध करण्यासाठी अथक परिश्रम घेतले होते. आपल्या वडिलांचा लोकजागृतीचा वारसा घेऊन त्यांनी अनेक लोकप्रबोधनपर गीतांचे लेखन व गायन केले होते. त्याचप्रमाणे श्रावण यशवंते यांनी लिहिलेल्या अप्रकाशित कविता आणि गीते युगेंद्र यशवंते यांनी स्वता प्रकाशित केली. त्यांच्या पुण्यानुमोदन व जलदान विधीचा कार्यक्रम रविवार, ता. २७ एप्रिल रोजी सकाळी साडे दहा वाजता वाशी सेक्टर-१५ ए मधील बुद्ध प्रतिष्ठान येथे आयोजित करण्यात आला आहे.