बंगालच्या हिंसाचाराविरोधात भाजपचे आंदोलन
मुंबई, ता. २६ : संविधानाच्या चौकटीत राहून लोकशाही मूल्यांनुसार, नियमानुसार लागू केलेल्या वक्फ कायद्याचा विरोध करायचा तर लोकशाही पद्धतीने करा, कोर्टाचा दरवाजा ठोठावा. पश्चिम बंगालमध्ये धार्मिक भावना भडकावून केलेला हिंसाचार म्हणजे संविधानाचा अपमान आहे, अशी टीका मुंबई भाजपचे अध्यक्ष व कॅबिनेट मंत्री ॲड. आशीष शेलार यांनी शनिवारी (ता. २६) केला.

पश्चिम बंगालमधील हिंसाचाराविरोधात भारतीय जनता पक्षाच्या बंगाली प्रकोष्ठच्या वतीने प्रदेश कार्यालयाबाहेर धरणे आंदोलन करण्यात आले. या वेळी ॲड. शेलार बोलत होते. या वेळी ज्येष्ठ नेते विजय तथा भाई गिरकर, बंगाली प्रकोष्ठचे संयोजक रंजन चौधरी, सुभागत दास, सरचिटणीस निरंजन बोस, मिरा रोडच्या प्रकोष्ठच्या महिला अध्यक्ष मंजुला बसक, रहिम दत्ता आदी उपस्थित होते. पश्‍चिम बंगालमध्ये राष्ट्रपती राजवट लागू करावी, अशी मागणी भाजप बंगाली प्रकोष्ठच्या वतीने या वेळी करण्यात आली.