ठाणे ः शहरातील वागळे इस्टेट येथून मुलुंडकडे जाणारी टीएमटी बसला काही स्थानकांवर थांबा मिळावा, यासाठी प्रवाशांकडून मागणी करण्यात येत होती. या मागणीला अखेर यश आले असून मार्ग क्रमांक ८५-८८-१०२-१०४-१२२-११०-१०९ टीएमटीकडून अधिकृत थांबा देण्यात आला आहे. त्यामुळे मुलुंड तसेच वागळे इस्टेट येथील प्रवाशांनी टीएमटी प्रशासनाचे आभार मानले आहेत. या बसथांब्यांसाठी परिवहन व्यवस्थापक भालचंद्र बेहेरे, परिवहन उपव्यवस्थापक सुनील जाधव, सहकार्य वैद्यकीय अधिकारी रवींद्र नारकर, सेवानिवृत्त कर्मचारी माणिकराव गायकवाड यांनी विशेष प्रयत्न केले होते.