भिवंडी, ता. १३ (वार्ताहर)ः माध्यमिक शालांत प्रमाणपत्र परीक्षा निकाल मंगळवारी जाहीर करण्यात आला. यामध्ये भिवंडी शहरातील १४, तर तालुक्यातील ११ अशा एकूण २५ शाळांचा निकाल १०० टक्के लागला आहे.
शहरात १०,१८२ विद्यार्थ्यांनी परीक्षा दिली होती. त्यापैकी ९,४४८ विद्यार्थी उत्तीर्ण झाल्याने शहराचा निकाल ९२.७९ टक्के, तर ग्रामीणमधून परीक्षेस बसलेल्या ५,७४५ विद्यार्थ्यांपैकी ५,३०६ विद्यार्थी उत्तीर्ण झाल्याने तालुक्याचा निकाल ९२.३५ टक्के इतका लागला आहे. विशेष म्हणजे शहरातून पालिकेच्या दोन माध्यमिक शाळांनी प्रावीण्य मिळवले आहे. यामध्ये आशीर्वाद हिंदू हायस्कूल, ग्लोरी इंग्लिश स्कूल, काकातीया हायस्कूल, डॉ. ओमप्रकाश अग्रवाल इंग्लिश स्कूल, अक्सा गर्ल्स इंग्लिश स्कूल, अन्सारी साफिया गर्ल्स हायस्कूल, अल नूर गर्ल्स हायस्कूल, तेलगू माध्यमिक शाळा, मनपा मराठी माध्यमिक शाळा नवीबस्ती, मराठी माध्यमिक शाळा चाविंद्रा, अन्सारी फरीद मेमोरियल गर्ल्स हायस्कूल, विकास इंग्लिश मीडियम स्कूल, सिराजुल उलूम उर्दू स्कूल, मरियम गर्ल्स इंग्लिश स्कूल तर ग्रामीण भागातील बी.ए. राऊत विद्यालय पाच्छापूर, जयदेव इंग्लिश हायस्कूल कोनगाव, ताईबाई माध्यमिक हायस्कूल अंजुरदिवे, तुळशीराम आत्माराम पाटील इंग्लिश स्कूल पडघा, हिरा इंग्लिश स्कूल महापोली, इव्हेंट एझर इंग्लिश स्कूल कोनगाव, डिव्हाइन इंग्लिश स्कूल, आर. के. पालवी विद्यामंदिर पडघा, विवेकानंद पब्लिक इंग्लिश स्कूल, संस्कार इंग्लिश स्कूल अंजूर, देविका इंग्लिश स्कूल शाळांचा १०० टक्के निकाल लागला आहे.