पालघर (बातमीदार) : मनसे नेते अमित ठाकरे यांनी घेतलेल्या पालघर जिल्ह्याच्या पदाधिकाऱ्यांच्या बैठकीमध्ये नांदगाव ग्रामपंचायतीचे सरपंच समीर मोरे यांची मनसेच्या पालघर जिल्हाध्यक्ष म्हणून फेरनियुक्तीबाबत घोषणा केली. तसेच पक्ष बांधणीसाठी सर्व पदाधिकाऱ्यांना सूचना दिल्या. लवकरच पालघर दौरा करणार असल्याचे सांगितले. समीर मोरे यांनी गेल्या महिन्यात मनसेमध्ये प्रवेश केला होता. या वेळी मनसेचे भावेश चुरी, विशाल जाधव, विपुल पटेल, यशोधन पाटील, योगेश पाटील, धीरज गावड, विजय गांगुर्डे, निशांत धोत्रे, सागर शर्मा, तन्मय संखे, सत्यम मिश्रा, सिद्धेश महाले, हमेश पाटील, नवल मोरे, सतीश ठाकूर आदी उपस्थित होते.