तरुणाने दोन वर्षांनंतर गिळले अन्न
अपघातात पडले होते अन्ननलिकेला छिद्र
सकाळ वृत्तसेवा
मुंबई, ता. २३ : अन्न खाण्याची, गिळण्याची आणि श्वास घेण्याची क्षमता गमावलेल्या एका २० वर्षांच्या तरुणावर यशस्वी उपचार करण्यात आले. अपघातानंतर सलग दोन वर्षे तो यासाठी संघर्ष करत होता. रोबोटिक सर्जन डॉ. रॉय पाटणकर यांच्या मार्गदर्शनाखाली त्याच्यावर उपचार झाले.
नागपूरमधील १८ वर्षीय तौहिद खानचा डिसेंबर २०२२ मध्ये सायकल चालवताना गंभीर अपघात झाला. त्याच्यापुढे असलेला बांबू घेऊन जाणारा एक ट्रक अचानक वळला आणि त्याच्या मानेवर गंभीर इजा झाली. यामध्ये त्याच्या अन्ननलिकेला छिद्र पडले. सुरुवातीला नागपुरात त्याच्यावर उपचार करण्यात आले, परंतु त्याच्या उजव्या फुप्फुसात एम्पायमा नावाचा संसर्ग झाल्याने गुंतागुंत निर्माण झाली. या संसर्गावर उपचार करण्यासाठी डॉक्टरांनी फुप्फुसांची शस्त्रक्रिया केली आणि त्याच्या अन्ननलिकेतील छिद्र बंद करण्याचा प्रयत्न केला. अन्ननलिका दुरुस्त करूनही कालांतराने नलिकेतून होणारी गळती रोखण्यासाठी एंडोस्कोपिक स्टेंट बसवण्यात आला, परंतु तोही अयशस्वी ठरला.
प्रत्येकवेळी गिळत असताना त्याची लाळ त्याच्या श्वासनलिकेत गळत होती आणि त्याच्या फुप्फुसांपर्यंत पोहोचत होती. सतत खोकला आणि श्वास घेण्यास त्रास होऊ लागला. ऑक्टोबर २०२४ मध्ये त्याच्या कुटुंबाने झेन रुग्णालयाला भेट दिली. अतिशय गुंतागुंतीची ही शस्त्रक्रिया आठ तास चालली. त्याला पाच दिवस व्हेंटिलेटरवर ठेवण्यात आले. आता तो तोंडावाटे अन्न गिळू शकत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.