एमडीप्रकरणी फरार महिलेला १०० दिवसांनी अटक
ठाणे न्यायालयाकडून ६ जूनपर्यंत पोलिस कोठडी
सकाळ वृत्तसेवा
ठाणे, ता. २४ : कोट्यवधी रुपयांच्या एमडी या अमली पदार्थांच्या तस्करी प्रकरणात फरार असलेल्या निलोफर सेंडोले हिला ठाणे अमली पदार्थ विरोधी पथकाने अखेर विक्रोळी येथून बुधवारी (ता. २१) अटक केली. निलोफर ही गेल्या १०० दिवसांपासून फरार होती. ठाणे न्यायालयाने तिला येत्या ६ जूनपर्यंत पोलिस कोठडीत ठेवण्याचे आदेश दिले आहेत.
फेब्रुवारीमध्ये ठाणे अमली पदार्थ विरोधी कक्षाने ठाण्यातील एका खोलीतून अडीच कोटी रुपयांचे एमडी अमली पदार्थ जप्त करत तिघांना अटक केली होती. त्या वेळी निलोफर पळून गेली होती. तेव्हापासून ठाणे अमली पदार्थ विरोधी पथक तिच्या शोधात होते. अखेर पोलिसांना गोपनीय माहिती मिळाली होती की निलोफर ही स्कुटीने मुंब्रा येथील तिच्या खोलीकडे जात आहे. त्यानुसार ठाणे पोलिसांनी विक्रोळी महामार्गावर निलोफरचा पाठलाग करून तिला अटक केल्याची माहिती पोलिसांनी दिली. याप्रकरणी पुढील तपास पोलिस निरीक्षक राहुल मस्के यांच्या मार्गदर्शनाखाली सुरू आहे.
.............
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.