नूडल्स बनविणाऱ्या कंपनीला आग
भिवंडी, ता. २४ (वार्ताहर) : भिवंडी शहरालगतच्या खाडीपार परिसरात असलेल्या अमिना बाग येथे नूडल्स आणि चायनीज पदार्थ बनवणाऱ्या एका कंपनीला सकाळी आग लागल्याची घटना घडली. या आगीच्या घटनेची माहिती मिळताच अग्निशमन दलाच्या जवानांनी घटनास्थळी धाव घेऊन ही आग सहा तासांत आटोक्यात आणून विझवली आहे. या आगीत लाखो रुपये किमतीचे सामान व मालमत्ता जळून खाक झाली. दरम्यान, सुदैवाने कोणतीही जीवितहानी झाली नाही. ही आग कशामुळे लागली, याचे कारण अद्याप समजू शकले नाही.