नेरूळ, ता. २७ (बातमीदार) : महाराष्ट्रातील संस्कृती टिकवण्यासाठी राज्याच्या विविध भागातील ढोल-ताशा पथके वाद्य वाजवून गणेशोत्सव, नवरात्र उत्सवसारखे सण वर्षभर साजरे करीत असतात. या वाद्यांची सुरुवात करण्याकरिता सानपाडा सेक्टर पाच येथील दत्त विद्या मंदिराच्या पटांगणात रविवारी (ता. २५) पुणे, भिवंडी, मुंबई, नवी मुंबई, ठाणे, वसई, कल्याण, उल्हासनगर, पनवेल, उरण इत्यादी विविध भागांतून आलेल्या ढोल-ताशा लेझीम पथकांचा भव्य दिव्य वाद्यपूजन सोहळा मान्यवरांच्या उपस्थितीत पार पडला. याप्रसंगी माजी आमदार संदीप नाईक, सानपाडा येथील शिवसेना शिंदे गटाचे माजी नगरसेवक सोमनाथ वासकर, कोमल वासकर, अजित सावंत, अविनाश जाधव, भाजप कोपरखैरणे मंडळाचे अध्यक्ष राजू मढवी, सहाय्यक पोलिस आयुक्त मयूर भुजबळ, सानपाडा पोलिस ठाण्याचे वरिष्ठ पोलिस निरीक्षक देविदास कटाळे, विनायक जाधव आदी उपस्थित होते.