भिवंडी, ता. ३१ (बातमीदार) ः ब्राह्मणआळीतील श्री भीमेश्वर संस्थानच्या मंदिरात दरवर्षीप्रमाणे यंदाही श्री गंगा दशहरा उत्सव होणार आहे. यानिमित्ताने विविध धार्मिक कार्यक्रमांबरोबर कीर्तनकार निरुपणातून भाविकांशी संवाद साधणार आहेत.
ज्येष्ठ शुद्ध प्रतिपदा मंगळवारपासून सुरू होणाऱ्या या उत्सवात दररोज रात्री कीर्तनकार हभप डॉ. प्रज्ञा देशपांडे (पुणे), हभप संजयबुवा व्यास (गोवा) हे कीर्तनसेवा करणार आहेत. तर ज्येष्ठ शुद्ध दशमी गुरुवारी (ता. ५ जून) संध्याकाळी पाच वाजता पालखी सोहळा होणार आहे. रविवारी (ता. १ जून) सकाळी ११ वाजता गंगालहरी महात्म्य या विषयावर व्याख्यात्या प्रिया जोग (पुणे) यांचे गंगालहरी वाचन तर दररोज संध्याकाळी निरुपणकार शीतल देशमुख (भिवंडी) भाविकांशी संवाद साधणार आहेत. याचबरोबर जिल्ह्याप्रमाणे मंदिर कोष व अन्य पुस्तके, बोलणारे दगड, जुन्या वस्तूंचे प्रदर्शन प्रमुख प्रभाकर मोरेश्वर कुंटे दररोज सकाळी साडेनऊ ते दुपारी साडेबारा आणि संध्याकाळी साडेपाच ते रात्री साडेनऊ या वेळेत पाहता येणार आहे.