अंबरनाथमध्ये शासकीय दाखल्यांचे मोफत वाटप
आमदार डॉ. बालाजी किणीकर यांच्या हस्ते दाखले वाटप
अंबरनाथ, ता. ३१ (वार्ताहर)ः येथील तहसील कार्यालय व शिवसेना यांच्या संयुक्त विद्यमाने मोफत शासकीय दाखले वाटप शिबिराचे आयोजन केले होते. हे शिबिर गुरुवारी (ता. २९) महात्मा गांधी विद्यालयात येथे पार पडले. या शिबिरात उत्पन्नाचा दाखला, अधिवास दाखला, स्थानिक रहिवासी दाखला, ज्येष्ठ नागरिक दाखल्याचे वाटप करण्यात आले.
नुकताच राज्यात दहावी आणि बारावीचा निकाल जाहीर झाला आहे. यानंतर पुढील प्रवेशाकरिता अनेक प्रकारच्या शासकीय दाखल्यांची आवश्यकता असते. यासाठी अनेक वेळा विद्यार्थी, पालकांची दमछाक तसेच पिळवणूक होते. या सर्व गोष्टी टाळण्यासाठी अंबरनाथ तहसील कार्यालय व आमदार डॉ. बालाजी किणीकर यांच्या संयुक्त विद्यमाने यावर्षी शासकीय दाखले वाटप शिबिराचे आयोजन केले होते. याचा लाभ अनेक विद्यार्थी आणि पालकांनी घेतला.
गेल्या अनेक वर्षांपासून शिवसेना (शिंदे) माध्यमातून विविध उपक्रम आयोजित केले जातात. या वेळी आमदार डॉ. बालाजी किणीकर, नायब तहसीलदार दीपक अनारे, माजी नगरसेवक सुभाष साळुंखे, संवाद फाउंडेशनच्या सुवर्णा साळुंखे, शिवसेनेचे कार्यकर्ते पदाधिकारी तसेच तहसीलचे कर्मचारी, नागरिक आणि विद्यार्थी मोठ्या संख्येने उपस्थित होते.

नोट : सोबत फोटो जोडलेला आहे.