उल्हासनगर, ता. ७ (वार्ताहर) : शहरात कॅम्प ३मधील मध्यवर्ती ठिकाणी एका तरुणावर चाकू हल्ला झाला. यात एक युवक गंभीर जखमी झाला आहे. उल्हासनगर कॅम्प क्रमांक ३ येथील नारायणधाम हॉस्पिटलजवळ शुक्रवारी रात्री रोशन सचदेव हा मित्राला भेटून दुचाकीवरून घरी परतत होता. एका अज्ञात व्यक्तीने त्याला मुद्दाम धक्का दिला आणि खाली पाडले. त्यानंतर त्याने रोशनच्या हातावर आणि पोटावर चाकूने गंभीर वार केले. घटनेनंतर स्थानिकांनी तत्काळ मदत करत रोशनला उपचारासाठी उल्हासनगरच्या मध्यवर्ती रुग्णालयात दाखल केले. सध्या त्याची प्रकृती स्थिर असल्याची माहिती डॉक्टरांनी दिली आहे.