मुंबई

जालना जिल्ह्यातील ग्रामपंचायतीचा भ्रष्टाचार मुख्यमंत्र्यांना सांगण्यासाठी दोन तरुण ठाण्यात दाखल

CD

ग्रामपंचायतीच्या भ्रष्टाचाराची तक्रार थेट मुख्यमंत्र्यांकडे
जालन्याच्या तरुणांचा पायी प्रवास
ठाणे शहर, ता. ९ (बातमीदार) ः जालना जिल्ह्यातील दोन तरुण ४५० किलोमीटरचे अंतर चालत ठाण्यात दाखल झाले. त्यांच्या गावातील ग्रामपंचायतीत चाललेल्या भ्रष्टाचाराची माहिती देण्यासाठी हे तरुण मुख्यमंत्री देवेंद्र फडणवीस यांची भेट घेण्यासाठी आले. रविवारी सकाळी हे तरुण पूर्व द्रुतगती महामार्गावरील मुलुंड टोलनाक्यावर आले असता मुंबई पोलिसांनी त्यांना पुढे मंत्रालयापर्यंत चालत जाण्यास मनाई केली. त्यांना ताब्यात घेऊन पोलिसांच्या गाडीतून आझाद मैदानात नेऊन सोडले.
जालना जिल्ह्यातील घनसावंगी तालुक्यात असलेल्या अंतरवाली दई गावात नितीन कल्याणराव बरसाले आणि लक्ष्मण कारामारी खरात हे दोघे राहतात. बरसाले आणि खरात मंगळवार (ता. २७) पासून पायी मुंबईला निघाले होते. शासनाकडून विविध योजना मंजूर झालेल्या जलजीवन मिशन, दलित वस्ती सुधार योजना, सार्वजनिक शौचालय योजना, घरकुल योजना, आहिल्यादेवी सिंचन विहीर योजना, सीपीडीसीमार्फत विविध विकास योजना केवळ कागदपत्रावर दाखवून कोट्यवधींचा निधी लाटला असल्याचा त्यांचा आरोप आहे. या भ्रष्टाचाराची तक्रार मुख्यमंत्र्यांकडे करण्यासाठी बरसाले आणि खरात मुंबईत दाखल झाले आहेत. या भ्रष्टाचारप्रकरणी संबंधितांवर कारवाई करून या योजनांचा लाभ गावाला द्यावा, अशी मागणी दोघांनी केली आहे.

मुंबई पोलिसांनी सोडले आजाद मैदानात
हे दोन तरुण ठाण्यात पोहोचले असता त्यांना पोलिसांनी कापूरबावडी पोलिस ठाण्यात मुक्कामासाठी ठेवले होते. रविवारी (ता. ८) सकाळी ते मुंबईला चालत निघाले असता मुलुंड टोलनाका येथे मुंबई पोलिसांनी त्यांना ताब्यात घेऊन गाडीमधून आझाद मैदानात नेऊन सोडले. तिथून ते सोमवारी (ता. ९) मंत्रालयात जाऊन मुख्यमंत्र्यांची भेट घेणार आहेत व भ्रष्टाचाराबाबत मुख्यमंत्र्यांना माहिती देणार असल्याचे नितीन बरसाले या तरुणाने सकाळशी बोलताना सांगितले.

फोटो : जालन्याहून मुंबईकडे निघालेले तरुण रविवारी सकाळी ठाण्यातील माजिवाडा येथे आले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Rohit Sharma ODI retirement: 'काय निवृत्ती घेऊ? प्रत्येकवेळी जिंकलो म्हणून...' रिषभ पंतला रोहितचा सवाल

Thane News: डोंबिवलीत जुनी इमारत पाडकामात महापालिकेच्या स्कायवॉकचे नुकसान, प्रवाशांसाठी मार्ग बंद

Latest Marathi News Live Updates : पिकअप अपघातातील बाराव्या महिलेचा मृत्यू

Dhananjay Munde: 'सातपुडा' बंगल्याप्रकरणी देवेंद्र फडणवीस यांना कायदेशीर नोटीस; मुंडेंना धक्का

Instagram Friends Map : इंस्टाग्राममध्ये आलं मॅप फीचर; मुलींच्या सुरक्षेसाठी खूपच फायद्याचं, कसं वापरायचं लगेच पाहा

SCROLL FOR NEXT