वाणगाव, ता. ११ (बातमीदार) : कृषी विज्ञान केंद्र कोसबाड हिल, कृषी विभाग, कृषी तंत्रज्ञान व्यवस्थापन यंत्रणा (आत्मा) यांच्यामार्फत विकसित कृषी संकल्प अभियान अंतर्गत कार्यक्रम मोखाडा तालुक्यातील तुळ्याचा पाडा, मोरांडा, मोरचुंडी, पोशेरी, हिरवे, गोंदे या गावात आयोजित करण्यात आला होता. या वेळी मोठ्या संख्येने शेतकऱ्यांनी उपस्थित राहून आधुनिक पद्धतीने शेती करण्याचा निर्धार केला. कृषी विज्ञान केंद्रातील प्रशिक्षणाचा लाभ घेण्याचे आवाहन कृषी विज्ञान केंद्रामार्फत करण्यात आले आहे. या वेळी कृषी विज्ञान केंद्राचे शास्त्रज्ञ डॉ. भरत कुशारे, पीक संरक्षण तज्ज्ञ प्रा. उत्तम सहाने, मृदा परीक्षणतज्ज्ञ अशोक भोईर, शास्त्रज्ञ डॉ. सुनील कुमार नायक, डॉ. कपिल सुखदाणे, मोखाडा तालुका कृषी अधिकारी आकाश सोळुंके, उपकृषी अधिकारी आर. के. जगताप, संगीता पाटील, सरपंच देवीदास निसाळ आदी मान्यवर उपस्थित होते.