खोपोलीत काशी स्पोर्ट सेंटरचे उद्घाटन

खोपोली, ता. १२ (बातमीदार) ः प्रसिद्ध विकसक व उद्योजक तसेच सामाजिक कार्यकर्ते यशवंत साबळे यांचे सुपुत्र युवा उद्योजक विक्रम साबळे यांच्या संकल्पनेतून उभारलेल्या, काशी स्पोर्ट सेंटरचे उद्घाटन मंगळवारी (ता. १०) रोजी संध्याकाळी खोपोली-खालापूरचे डीवायएसपी विक्रम कदम यांच्या हस्ते पार पडले.
या वेळी माजी नगराध्यक्ष डॉ. सुनील पाटील, माजी उपनगराध्यक्ष कुलदीपक शेंडे, केटीएसपी मंडळाचे अध्यक्ष संतोष जंगम, खोपोली नगरपालिका मुख्याधिकारी डॉ. पंकज पाटील, ताराराणी बिग्रेडच्या वंदना मोरे, छत्रपती शिवाजी क्रीडा पुरस्कारप्राप्त कुस्तीपटू व प्रशिक्षक मारुती आडकर, आंतराष्ट्रीय क्रीडा पंच शरद कदम, पेणचे गटनेते अनिरुद्ध पाटील, ज्येष्ठ नेते मोहन औसरमल, शिवसेना नेते दिनेश थोरवे यांच्यासहित शहरातील शैक्षणिक, क्रीडा व सामाजिक क्षेत्रातील मोठ्या प्रमाणावर नेते, कार्यकर्ते आणि क्रीडा शिक्षक उपस्थित होते.
काशी स्पोर्ट सेंटरच्या माध्यमातून आता माफक दरात शहरातील तरुण व क्रीडापटूंना विविध प्रकारचे सराव व कौशल्य मिळवण्यासाठी हक्काचे क्रीडा संकुल निर्माण झाले असून या सेंटरच्या माध्यमातून भविष्यात खोपोलीला मिळणार असून परिसरातून उत्तम क्रीडापटू तयार होतील, असे डीवायएसपी विक्रम कदम यांनी या वेळी सांगितले. कार्यक्रमाचे प्रास्ताविक शरद कदम यांनी तर सूत्रसंचालन जगदीश मरागजे यांनी केले.

फोटो ओळ ः

खोपोली : काशी स्पोर्ट सेंटरचे उद्घाटन डीवायएसपी विक्रम कदम यांच्या हस्ते झाले. दुसऱ्या छायाचित्रात कार्यक्रमाला उपस्थित मान्यवर.

(छायाचित्र : अनिल पाटील)