मुरबाड (वार्ताहर)ः धसई येथे छत्रपती शिवाजी महाराज महाराजस्व समाधान उपक्रमाअंतर्गत विविध दाखल्यांचे वाटप करण्यात आले. या शिबिराचे उद्घाटन मुरबाड विधानसभा आमदार किसन कथोरे यांच्या हस्ते झाले. या वेळी मुरबाड तहसीलदार अभिजित देशमुख, नायब तहसीलदार अमोल शिंदे, निवासी नायब तहसीलदार सुषमा बांगर, माजी सभापती दीपक पवार, माजी पंचायत समिती सदस्य अनिल घरत, जिल्हा परिषद माजी सदस्य विठ्ठल डामसे उपस्थित होते. धसई मंडळ शिबिरात अधिवास प्रमाणपत्र, उत्पन्नाचे दाखले, जातीचे दाखले व नॉन क्रिमिलेअर, रेशन कार्ड नाव कमी करण्याबाबत १६९ तर तळेगाव शिबिरात उत्पन्न, जातीचे दाखले, वय व अधिवास, रेशन कार्डमधील नावांचा अशा १५० दाखल्यांचे वाटप करण्यात आले.