किन्हवली (बातमीदार) ः शहापूर तालुक्यातील किन्हवली परिसरात असलेल्या अस्नोली जिल्हा परिषद शाळेतील शिक्षकांनी आज शाळेच्या पहिल्या दिवशी विद्यार्थ्यांचे स्वागत अनोख्या प्रकारे केले. यामुळे विद्यार्थी खूपच आनंदी दिसत होते. शिक्षकांनी विद्यार्थ्याचे औक्षण करून शाळेतील पहिले पाऊल म्हणून पावलाचे ठसे घेण्यात आले. गुलाबपुष्प, पाठ्यपुस्तके, चॉकलेट, कपडे, टोपी देऊन गोड जेवणाचे नियोजन केले होते. विद्यार्थ्यांच्या स्वागतसाठी तयार केलेला सेल्फी पॉइंट हा आकर्षणाचा केंद्रबिंदू ठरला. शिक्षकांबरोबर सेल्फीचा आनंद घेत सर्व शिक्षक वर्ग व पालकांच्या सहभागाने प्रवेशोत्सव करण्यात आला.