ऐरोलीत तरुणीची आत्महत्या
नवी मुंबई (वार्ताहर) : ऐरोली सेक्टर १ मधील ओमकार गिरी सोसायटीत पेइंग गेस्ट म्हणून राहणाऱ्या
एका २२ वर्षीय तरुणीने गळफास घेऊन आत्महत्या केल्याची घटना रविवारी सकाळी घडली. नंदीनी हरिओम तिवारी असे तिचे नाव आहे. तिच्या आत्महत्येमागचे कारण स्पष्ट झाले नसल्याचे पोलिसांनी सांगितले. रबाळे पोलिसांनी अपमृत्यूची नोंद केली आहे. मूळची कानपूरची असलेली नंदिनी आयटी कंपनीत काम करीत होती. तीन अन्य तीन तरुणींसह ती राहत होती. रविवारी सुट्टी असल्याने इतर तिघी शनिवारी आपापल्या घरी निघून गेल्या होत्या. तेव्‍हा एकटीच असलेल्या नंदिनीने गळफास घेऊन आत्महत्या केली.