मुरबाड ता.१७ (वार्ताहर)ः मुरबाड-कल्याण राष्ट्रीय महामार्गावरील जिल्हा परिषद उच्च प्राथमिक शाळा रायते येथील नवागतांचा प्रवेशोत्सव मोठ्या थाटामाटात साजरा करण्यात आला. यावेळी सरपंच समिता सुरोशी यांनी ‘मुलांना मोबाइल पासूनदूर ठेवा, संगणक ज्ञान जरूर द्या पण यंत्र बणू नका’ असा कानमंत्र देताना घरपट्टी माफीच्या निर्णयाची माहिती दिली.
राज्य सरकारचा आदर्श सरपंच पुरस्कार प्राप्त रायते-पिंपळोलीच्या सरपंच समिता सुरोशी यांनी गावातील जिल्हा परिषद शाळेत प्रवेश घेणाऱ्या पालकांची घरपट्टी माफ करण्याचा ठराव ग्रामपंचायतीत पारित केला आहे. या निर्णयामुळे जिल्हा परिषदेचा शाळांमधील पटसंख्या वाढेल, असा विश्वास व्यक्त केला जात आहे.