नेरूळ, ता. १८ (बातमीदार) : यंदा पावसाने मे महिन्यातच जोरदार हजेरी लावली. २६ मे रोजी सीबीडी बेलापूरच्या सेक्टर ४, ५, ६, ११ येथील सखल भागात पाणी साचून राहिल्यामुळे नागरिकांना मोठा त्रास सहन करावा लागला. त्यानंतर धारण तलावाच्या ठिकाणी प्रत्यक्ष भेट देत पाहणी करून आयुक्त डॉ. कैलास शिंदे यांनी तातडीने उपाययोजना करण्याचे निर्देश दिले होते. त्यानुसार तत्परतेने कार्यवाही करण्यात आली होती. दिलेल्या सूचनांनुसार अभियांत्रिकी विभागाने केलेल्या उपाययोजनांच्या अंमलबजावणीची पाहणी आयुक्तांनी मंगळवारी (ता. १७) धारण तलाव ठिकाणी भेट देत केली.
बेलापूर भागातून या धारण तलावात चार ठिकाणांहून पाण्याचे प्रवाह येतात. त्यामुळे येथील धारण तलावाच्या आसपासच्या परिसराचे सपाटीकरण करून धारण तलावाची क्षमता वाढविण्याचे निर्देश आयुक्तांनी दिले. त्याचप्रमाणे फ्लॅप गेट लावलेल्या भिंतीवरून बाहेरच्या भागाची पाहणी करीत त्यांनी पाइपच्या आऊटलेटजवळील गाळ नियमित काढण्याचे निर्देश दिले. त्यामुळे पाण्याच्या प्रवाहात अडथळा येणार नाही, हे लक्षात घेऊन याबाबतची कार्यवाही नियमित करावी, असे आयुक्तांमार्फत निर्देर्शित करण्यात आले. या वेळी शहर अभियंता शिरीष आरदवाड, अतिरिक्त शहर अभियंता अरविंद शिंदे, परिमंडळ १चे उपायुक्त सोमनाथ पोटरे, कार्यकारी अभियंता मदन वाघचौडे व वसंत पडघन, बेलापूर विभागाचे सहाय्यक आयुक्त डॉ. अमोल पालवे उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.