माथाडी व जनरल कामगार संघाच्या जिल्हाध्यक्षपदी संजय वाघुले
सकाळ वृत्तसेवा
ठाणे, ता. २२ : भारतीय मजदूर संघाबरोबर संलग्न महाराष्ट्र माथाडी व जनरल कामगार संघाच्या ठाणे व पालघर जिल्हाध्यक्षपदी भाजपाचे माजी ज्येष्ठ नगरसेवक व माजी ठाणे शहर जिल्हाध्यक्ष संजय वाघुले यांची निवड करण्यात आली आहे. ठाण्यातील येऊर येथील बैठकीत संजय वाघुले यांनी पदाची सूत्रे स्वीकारली. या वेळी इतर पदाधिकाऱ्यांचीही निवड केल्यानंतर त्यांना नियुक्तीपत्रे देण्यात आली.
महाराष्ट्र माथाडी व जनरल कामगार संघाच्या ठाणे-पालघर जिल्हा सरचिटणीसपदी सुप्रीम सुर्वे, ठाणे जिल्हा उपाध्यक्षपदी नरेंद्र राजाराम पाटील, सरचिटणीसपदी मुकेश मोकाशी, ठाणे-पालघर जिल्हा कार्याध्यक्षपदी अनिल कनौजिया यांची निवड करण्यात आली आहे. या वेळी संघाचे प्रदेश सरचिटणीस अरुण दळवी, कार्याध्यक्ष संदीप कदम, कायदेविषयक सल्लागार ॲड. के. पी. गुरव आदी मान्यवर उपस्थित होते.
ठाणे व पालघर जिल्हा कार्याध्यक्ष अनिल कनौजिया, जिल्हा उपाध्यक्ष मनोहर सुगदरे, जिल्हा उपाध्यक्ष नरेंद्र राजाराम पाटील, जिल्हा चिटणीस नयन पाटील, चिटणीस छगन भोसले, कल्याण, मुरबाड आणि शहापूर तालुका उपाध्यक्ष गणेश चिमा भोईर, ठाणे जिल्हा उपाध्यक्ष प्रदेश शेडगे, उपाध्यक्ष राकेश चौगुले, उपाध्यक्ष किरण मणेरा आदी नवनियुक्त पदाधिकाऱ्यांना संजय वाघुले यांनी शुभेच्छा दिल्या.