पडघा (बातमीदार)ः महाराष्ट्र नवनिर्माण सेनेचे अध्यक्ष राज ठाकरे यांचा वाढदिवस नुकताच साजरा करण्यात आला. त्यानिमित्त भिवंडी लोकसभा जिल्हाध्यक्ष शैलेश बिडवी यांच्या संकल्पनेतून पडघा विभागातील जिल्हा परिषद मराठी शाळा पडघे, वाफाळे, वारली पाडा, कुंभारशिव, देवळी व भोकरी शाळेतील विद्यार्थ्यांना शैक्षणिक साहित्यासह खाऊचे वाटप करण्यात आले. यावेळी महाराष्ट्र प्रदेश उपाध्यक्ष डि.के.म्हात्रे, संघटक मदन पाटील, जिल्हाध्यक्ष शैलेश बिडवी, तालुकाध्यक्ष विकास जाधव, पडघा सरपंच रवींद्र विशे, प्रताप विशे, गुरुनाथ मते, गुरुनाथ जाधव, पडघा विभाग अध्यक्ष सदानंद गोरले, ग्रामपंचायत सदस्य नासिर शेख, मयुर गंधे, रुपेश तेलवणे, नरेश शेलार, समवेत शाळेतील शिक्षक, विद्यार्थी उपस्थित होते.