ठाणे : शिवसेनेच्या वर्धापनदिनानिमित्त दिव्यात महात्मा जोतिबा फुले जन आरोग्य कार्डचे मोफत वाटप करण्यात आले. दिवा शहरातील १३०० नागरिकांना आरोग्य योजनांचा लाभ मिळणार असल्याचे शहरप्रमुख सचिन पाटील यांनी सांगितले. या वेळी सामाजिक कार्यकर्ते आकाश विचारे यांनी त्यांच्या कार्यकर्त्यासह शिवसेनेत जाहीर प्रवेश केला. जिल्हाप्रमुख दिपेश म्हात्रे आणि युवानेते सुमित भोईर, लोकसभा संपर्क संघटिका मृणाल यज्ञेश्र्वरी, प्रवक्ते अनिश गाढवे, युवासेना जिल्हाधिकारी प्रतिक पाटील, उपजिल्हाप्रमुख विजय देसाई, उपजिल्हा संघटिका अंकिता पाटील, विधानसभा प्रमुख रोहिदास मुंडे, कळवा-मुंब्रा विधानसभा समन्वयक विजय कदम आदी पदाधिकारी आणि कार्यकर्ते मोठ्या संख्येने उपस्थित होते.