भिवंडी (वार्ताहर)ः केंद्रीय वस्तू व सेवा कर विभागाच्या भिवंडी आयुक्तालयाच्या आठव्या वर्धापनदिनानिमित्त भिवंडीतील शाळकरी विद्यार्थ्यांमध्ये जीएसटी कर प्रणालीबाबत जनजागृतीपर उपक्रम करण्यात आला. याच अनुषंगाने गैबीनगर येथील पालिका शाळा क्रमांक ६२ आणि २२ येथे विद्यार्थ्यांसाठी निबंध व चित्रकला स्पर्धा घेण्यात आली. या स्पर्धेचा बक्षीस वितरण समारंभ आमदार रईस शेख, पालिका आयुक्त अनमोल सागर, उपायुक्त बाळकृष्ण शिरसागर, जीएसटी आयुक्त संजीव कुमार सिंह यांच्या उपस्थितीत झाला. शंभरहून अधिक विद्यार्थ्यांनी या स्पर्धेत सहभाग नोंदवला. युवा पिढीत आर्थिक तसेच कर साक्षरतेच्या प्रसारासाठी जीएसटी विभागाच्या या उपक्रमाचे उपस्थित मान्यवरांनी कौतुक केले. या वेळी जीएसटी आयुक्त संजीव कुमार सिंह, अतिरिक्त आयुक्त तारिक मबूद, श्रीमती नॅन्सी डिसोझ, उपायुक्त सुनंद झोडिया, सहाय्यक आयुक्त मानस दाश, सुरेंद्र कवितकर उपस्थित होते.