शिवळे येथे महिलांना मार्गदर्शन
मुरबाड (वार्ताहर)ः शासनाच्या विविध योजनेअंतर्गत प्रत्येक महिलेला काम मिळावे, यासाठी कौशल्य भारत, विकसित भारत या उपक्रमात काम करण्यासाठी तयार असलेल्या महिलांसाठी सामाजिक कार्यकर्त्या अंजना जाधव, रंजना शिंदे, चारुशिला गायकर, कल्पना पवार, शिल्पा व्यापारी, कविता धस, ज्योत्स्ना पडवळ यांनी सुभाष पवार जनसंपर्क कार्यालय शिवळे येथे कार्यक्रमाचे आयोजन केले होते. या कार्यक्रमासाठी जनसेवा प्रतिष्ठानचे अध्यक्ष सुभाष पवार यांनी मोलाचे सहकार्य केले. तर धनाजी दळवी तसेच अंजना जाधव यांनी उपस्थित राहून मार्गदर्शन केले. या वेळी प्रत्येक गावातून मोठ्या संख्येने महिला उपस्थित होत्या.