तरुणाने घातला सराफाला लाखोंचा गंडा
सकाळ वृत्तसेवा
ठाणे, ता. २५ : सोन्याची साखळी खरेदी करून बिलाचे पैसे ऑनलाइन अदा केल्याचे भासवून एका तरुणाने सराफाला दोन लाख १० हजारांचा गंडा घातल्याची घटना समोर आली आहे. याप्रकरणी एका तरुणाविरोधात गुन्हा दाखल झाल्याची माहिती वागळे इस्टेट पोलिसांनी दिली.
सराफ आणि त्यांचा मुलगा रविवारी (ता. २२) सायंकाळी दुकानात असताना, एक अनोळखी तरुण आला. त्या तरुणाने २१ ग्रॅम वजनाची सोन्याची साखळी पसंत केली. त्या साखळीच्या बिलाचे पैसे ऑनलाईन करतो, असे सांगून त्याने मोबाईलवरून पैसे पाठवल्याचे सांगितले. तसेच घाई असल्याचे सांगत बिल व्हॉट्सॲपवर पाठवा, असे सांगून तो तरुण निघून गेला. त्यानंतर पैसे खात्यावर आलेच नसल्याचे सराफाच्या समोर आले. त्या तरुणाने खोटे मेसेज पाठवून फसवणूक केली, असे सराफाने तक्रारीत नमूद केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.