पश्चिम रेल्वेकडून विशेष गाड्यांच्या फेऱ्यात वाढ

मुंबई, ता. २५ : रेल्वे प्रवाशांच्या सोयीसाठी, प्रवाशांच्या मागणीनुसार पश्चिम रेल्वेने तीन जोड्या विशेष गाड्यांच्या फेऱ्या वाढवल्या आहेत. यामध्ये ट्रेन क्रमांक ०९०४९ दादर-भुसावळ विशेष २६ सप्टेंबरपर्यंत वाढवण्यात आली आहे. त्याचप्रमाणे ट्रेन क्रमांक ०९०५० भुसावळ-दादर विशेष २६ सप्टेंबरपर्यंत वाढवण्यात आली आहे. यासोबत ट्रेन क्रमांक ०९०५१ दादर-भुसावळ विशेष २९ सप्टेंबरपर्यंत वाढवण्यात आली आहे, तर परतीची ट्रेन क्रमांक ०९०५२ भुसावळ-दादर विशेष २९ सप्टेंबरपर्यंत वाढवण्यात आली आहे. दुसरीकडे ट्रेन क्रमांक ०४१५६ उधना-सुभेदारगंज विशेष ३० सप्टेंबरपर्यंत वाढवण्यात आली आहे. त्याचप्रमाणे ट्रेन क्रमांक ०४१५५ सुभेदारगंज-उधना विशेष २९ सप्टेंबरपर्यंत वाढवण्यात आली आहे. दरम्यान, या गाड्यांचे आरक्षण बुधवारी (ता. २५) ‘पीआरएस’ काउंटरवर आणि आयआरसीटीसी संकेतस्थळावर सुरू होणार असल्याचे पश्चिम रेल्वेकडून सांगण्यात आले.