कोपरखैरणे, ऐरोलीतील अनधिकृत बांधकामे पाडली

वाशी, ता. २५ (बातमीदार ) ः नवी मुंबई महापालिकेच्या कोपरखैरणे व ऐरोलीमध्ये अनधिकृत बांधकामांवर पालिकेच्या अतिक्रमण पथकांकडून कारवाई करण्यात आली.
कोपरखैरणे येथील बोनकोडे गावामध्ये जनाबाई बाबूराव म्हात्रे व मुकेश रणदिवे यांच्याकडून अनधिकृत बांधकाम करण्यात येत होते. ऐरोली सेक्टर-३ मध्ये वसंत साठे यांच्याकडून नवी मुंबई महापालिकेची कोणतीही परवानगी न घेता अनधिकृतपणे बांधकाम सुरू केले होते. या अनधिकृत बांधकामांस नोटीस बजावण्यात आली होती. संबंधितांनी नोटिशीची दखल न घेतल्यामुळे अनधिकृत बांधकामांविरोधात नवी मुंबई महापालिका विभागामार्फत आयुक्त डॉ. कैलास शिंदे यांच्या निर्देशानुसार व अतिरिक्त आयुक्त डॉ. राहुल गेठे व उपआयुक्त (अतिक्रमण) डॉ. कैलास गायकवाड यांच्या मार्गदर्शनाखाली अतिक्रमण विभागाने निष्कासनाची कारवाई केली.