मुरबाड (बातमीदार)ः कपिल पाटील फाउंडेशन वैद्यकीय मदत कक्ष मुरबाड व आर झुनझुनवाला शंकरा आय हॉस्पिटल नवीन पनवेल यांच्या वतीने मोफत नेत्र तपासणी व मोतीबिंदू शस्त्रक्रिया शिबिर होणार आहे. यासाठी गरजू रुग्णांनी माजी केंद्रीय मंत्री कपिल पाटील यांचे मुरबाड शहरातील माळशेज घाट रोड येथील जनसंपर्क कार्यालयामध्ये मंगळवारी सकाळी १० ते दुपारी एक वाजेपर्यंत संपर्क साधावा. तसेच शस्त्रक्रियेसाठी रेशन, आधार कार्ड झेरॉक्स प्रत आणावी, रक्तदाब, मधुमेह रोगाची औषधे सुरू असल्यास सोबत घेऊन यावे, असे आवाहन करण्यात आले आहे.