भिवंडी, ता. ५ (वार्ताहर)ः शहरात विक्रीसाठी आणलेला ३७ लाखांचा ७४ किलो गांजा भिवंडी गुन्हे शाखेच्या पोलिस पथकाने जप्त केला आहे. या प्रकरणात पोलिसांनी भिवंडीतील दोघांसह कल्याणमधील एकाला अटक केली आहे.
भिवंडीतील अन्वर अन्सारी याच्या घरी फैजल अन्सारी अब्दुल अन्सारीला गांजा विक्रीसाठी येणार असल्याची माहिती मिळाली होती. त्याअनुषंगाने गुन्हे शाखेचे पथकाने सापळा रचत फैजल अन्सारी (४४ रा. कल्याण), अब्दुल अन्सारी (२०), अन्वर अन्सारी (३४ दोघे रा. भिवंडी) यांना अटक केली. घराच्या पडवीमध्ये ३७ लाख ३७ हजार ४०० रुपयांच्या किमतीचा ७४ किलो ५४८ ग्रॅम वजनाचा गांजा सापडला आहे. याप्रकरणी स्थानिक भोईवाडा पोलिस ठाण्यात एनडीपीएस कलमान्वये गुन्हा दाखल आहे.
दरम्यान, भिवंडी गुन्हे शाखेने मे महिन्यात रांजनोली ब्रिजखाली गांजा तस्करांवर कारवाई करत दोघांकडून ११ लाख ५४ हजार रुपये किमतीचा ४१.१०० किलोग्रॅम वजनाचा गांजा जप्त करून दोघांनाही अटक केली होती.
------------------------------------------------
मोलाची कामगिरी
वरिष्ठ पोलिस निरीक्षक जनार्दन सोनवणे यांच्या मार्गदर्शनाखाली सहाय्यक पोलिस निरीक्षक धनराज केदार, श्रीराज माळी, रवींद्र पाटील, सुधाकर चौधरी, सुदेश घाग, प्रकाश पाटील, राजेश गावडे, नीलेश बोरसे, अनुष्का पाटील, अमोल इंगळे, भावेश घरत, रवींद्र साळुंखे पथकात होते.