आषाढी एकादशीच्या निमित्ताने पालखी पूजन
नवी मुंबई, ता. ५ ः नवीन पनवेल येथील आद्यक्रांतिवीर वासुदेव बळवंत फडके विद्यालयात ४ जुलै रोजी पालखी पूजनासह विविध कार्यक्रमांचे आयोजन करण्यात आले होते. विद्यालयाच्या मुख्याध्यापिका समिता सोमण व पालक प्रतिनिधी यांच्या हस्ते पालखी पूजन करण्यात आले. इयत्ता ५ वी ते १० वीच्या विद्यार्थ्यांनी हरिनामाचा गजर करत भक्तिगीते, नृत्य, अभंग, हरीपाठ सादर केल. टाळ-मृदंगाच्या नादात विठू नामाच्या गजरात ‘विद्यार्थ्यांनी पालखी समवेत रिंगण तयार केले व मोठ्या जल्लोषात, टाळ-मृदंगाच्या नादात भक्तिगीतांनी संपूर्ण वातावरण विठ्ठलमय झाले.
आषाढी एकादशीची माहिती, महिमा सर्व विद्यार्थ्यांना माहिती व्हावी, यासाठी क्षितिज बोरसे, (इयत्ता ९वी), शुभ्रा तिळगुळकर (इयत्ता ५ वी) तसेच शरण्या मस्के (इयत्ता ६ वी) यांनी माहिती कथन केली. यामध्ये प्रामुख्याने वारीची परंपरा, संतांचा महिमा, विठू नामाची महती, वारकरी संप्रदाय, त्यांची भक्ती, श्रद्धा, विश्वास इ.चा समावेश होता. यावेळी संपूर्ण वातावरण विठ्ठलभक्तीमध्ये रममाण झाले होते. प्रत्येक वर्गातील विद्यार्थी आपल्या वर्गाच्या कार्यक्रमासमवेत या विठू नामाच्या दिंडीमध्ये सामील झाले होते. मुख्याध्यापिक समिता सोमण यांनी अभंगाचे गायन केले. कार्यक्रमाचे सूत्रसंचालन इयत्ता १० वी राजा शिवाजी व राणी लक्ष्मीबाई या वर्गामधील वैष्णवी गोरडे व श्रेया कदम, यांनी केले होते. याप्रसंगी ‘सकाळ’ या वृत्तपत्र समूहाने विद्यार्थ्यांची वाचन कला विकसित होण्यासाठी व अभ्यासाची गोडी वाढवण्यासाठी अध्ययनासाठी उपयुक्त अशा त्यांच्या ‘एनआई’ या अभ्यास पुरवणीचे वाटप केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.